Met Gala 2025 | મેટ ગાલામાં બોલિવૂડ છવાયું : શાહરુખ, કિયારા, દિલજિત, ઈશા અંબાણી સહિત પ્રિયંકા ચોપરાની જુઓ ફોટોઝ...

Met Gala 2025 : મેટ ગાલા 2025 ન્યુ યોર્કના મેટ્રોપોલિટન મ્યુઝિયમ ઓફ આર્ટ ખાતે યોજાયો હતો. આ વર્ષે મેટ ગાલાની થીમ 'સુપરફાઇન: ટેલરિંગ બ્લેક સ્ટાઇલ' હતી. આ મેટ ગાલા ઈવેન્ટ ભારતીય ફેન્સ માટે પણ ખાસ બની કારણ કે આ વર્ષે બોલિવૂડના 'કિંગ' શાહરુખ ખાને રેડ કાર્પેટ પર ડેબ્યૂ કર્યો છે. આ ઉપરાંત, કિયારા અડવાણીએ પણ બેબી બમ્પ સાથે રેડ કાર્પેટ પર આવીને ઇતિહાસ રચ્યો છે.

► મેટ ગાલા-૨૦૨૫ ના બોલિવૂડ સેલિબ્રિટીઓના લુક્સ પર એક નજર

શાહરુખ ખાને ફેમસ ડિઝાઇનર સબ્યસાચી દ્વારા બનાવેલ ડિઝાઇનર ડ્રેસ પહેર્યો હતો. શાહરુખે સિલ્ક શર્ટ, ટ્રાઉઝર અને ફ્લોર લેન્થ કોટ સાથે બ્લેક લુક પૂર્ણ કર્યો. શાહરુખે સોના અને હીરાની જ્વેલરી પહેરી હતી. તેણે K અને SRK વાળા પેન્ડન્ટ પહેર્યા હતા. કિયારા અડવાણીએ ગૌરવ ગુપ્તા દ્વારા બનાવેલ કસ્ટમ બ્રેવહાર્ટ ડિઝાઇનર ગાઉન પહેર્યું હતું. કિયારાનો ડ્રેસ મધરહૂડ પ્રતિનિધિત્વ કરે છે, જેમાં માતા અને બાળકનું દિલ બનેલું છે. કિયારા અડવાણીનો મેકઅપ અને હેરસ્ટાઇલ મહેક ઓબેરોયે કરી હતી. મેટ ગાલામાં દિલજીત દોસાંઝ મહારાજા અવતારમાં જોવા મળ્યો હતો. દિલજીતનો લુક શીખ રાજવીપણાનું પ્રતિબિંબ પાડે છે. 

પ્રિયંકા ચોપરાએ પોલ્કા ડોટ ટેલર કરેલા સૂટ સાથે ટોપી પહેરી હતી. આ સાથે, તેણે નીલમણિનો નેકપીસ પહેર્યો છે. નિક જોનાસ અને પ્રિયંકા ચોપરાએ ટ્વીન ડ્રેસમાં સાથે પોઝ આપ્યો. ઈશા અંબાણી ડિઝાઇનર અનામિકા ખન્નાના કસ્ટમ ડિઝાઇનર આઉટફિટમાં જોવા મળી હતી. ઈશા અંબાણીનો ડિઝાઇનર ડ્રેસ બનાવવામાં 833 દિવસ લાગ્યા. ફેમસ ડિઝાઇનર મનીષ મલ્હોત્રાએ પણ મેટ ગાલામાં એન્ટ્રી કરી હતી. નતાશા પૂનાવાલાનો મેટ ગાલામાં ભપકાદાર અંદાજ જોવા મળ્યો હતો. મૂળ વડોદરાની મોના પટેલે રોબોટ સાથે એન્ટ્રી કરી, ઈવેન્ટમાં આકર્ષણનું કેન્દ્ર બની હતી.

►'મેટ ગાલા' શું છે? 

મેટ ગાલા એક ચેરિટી ઇવેન્ટ છે. ન્યૂયોર્ક સિટીમાં મેટ્રોપોલિટન મ્યુઝિયમ ઑફ આર્ટસ કોસ્ચ્યુમ ઇન્સ્ટિટ્યૂટ દ્વારા આ ઇવેન્ટનું આયોજન કરવામાં આવ્યું છે. આ ફેશન શોમાં ભારત અને વિદેશના સ્ટાર્સ અલગ-અલગ પોશાક પહેરીને ભાગ લે છે. જે સેલેબ્સનું નામ કોઈપણ સ્કેમ સાથે સંકળાયેલું હોય તેમને આ ઈવેન્ટમાં આમંત્રણ આપવામાં આવતું નથી. મેટ ગાલાનું આયોજન 1995 થી વોગ મેગેઝિનના મુખ્ય સંપાદક એના વિંટોર દ્વારા તેની અધ્યક્ષતામાં કરવામાં આવે છે. સામાન્ય રીતે આ ફેશન શોનું આયોજન દર વર્ષે મે મહિનાના પહેલા સોમવારે કરવામાં આવે છે.

► મેટ ગાલાની થીમ કોણ નક્કી કરે છે? 

વોગ મેગેઝિનના મુખ્ય સંપાદક એના વિંટોર મેટ ગાલાની થીમ નક્કી કરે છે. લગભગ 600 સેલિબ્રિટી આ મોટા ફેશન શોમાં હાજરી આપે છે, પરંતુ અહેવાલો અનુસાર, આ વર્ષે મેટ બોલમાં 400 મહેમાનોએ હાજરી આપી હતી. ફક્ત આમંત્રિત મહેમાનોને જ આ ઇવેન્ટમાં હાજરી આપવાની મંજૂરી છે. એના વિંટોર અને તેની ટીમ દ્વારા મહેમાનોની પસંદગી કરવામાં આવે છે. ભારતીય સેલિબ્રિટીઓએ તેમાં ક્યારથી ભાગ લેવાનું શરુ કર્યું? દુનિયાભરમાં 'મેટ ગાલા'ની શરૂઆત ઘણા સમય પહેલા થઈ હોવા છતાં, ભારતીય સેલેબ્સે વર્ષ 2017થી તેમાં ભાગ લેવાનું શરુ કર્યું હતું. ભારત તરફથી પહેલીવાર પ્રિયંકા ચોપરા અને દીપિકા પાદુકોણે આ ઈવેન્ટમાં ભાગ લીધો હતો. જયારે આલિયા ભટ્ટે વર્ષ 2023માં આ ઇવેન્ટમાં ભાગ લીધો હતો.

► વિચિત્ર આઉટફિટ કમાણીનું મોટું સાધન કેવી રીતે બને છે? 

મેટ ગાલા' 2024ની ટિકિટની વાત કરવામાં આવે તો 75 હજાર ડોલર એટલે કે 62 લાખ રૂપિયા કિંમત હતી. જ્યારે 10 સીટના ટેબલનો ચાર્જ 350 હજાર ડોલર એટલે કે 2 કરોડ 92 લાખ રૂપિયાથી વધુ કિંમત હતી. આ ફેશનની દુનિયાની તે ઘટનાઓ છે, જ્યાં ફેશનના 'એફ'ને જાણનાર દરેક વ્યક્તિની નજર હોય છે. તેનો અર્થ એ કે, જો તમે ડિઝાઇનર અથવા ફેશન બ્રાન્ડ છો, અને તમારી ડિઝાઇન અથવા ઉત્પાદન મેટ ગાલાના રેડ કાર્પેટ પર છે, તો તે વિશ્વની દરેક આંખ સુધી પહોંચી શકે છે. આ ટિકિટોમાંથી આવતા તમામ પૈસા મેટ ગાલામાં જાય છે. આ આખા ગણિતમાં સેલિબ્રિટીનો રોલ મોડલ જેવો છે. એટલા માટે મોટાભાગે તમે મેટ ગાલામાં જે સેલેબ્સ જુઓ છો તેમની ટિકિટો અથવા ટેબલો ડિઝાઇનર દ્વારા પ્રાયોજિત હોય છે. ડિઝાઇનર્સ ટેબલો ખરીદે છે અને તેમને તેઓ સ્ટાઇલ કરેલા તમામ સેલેબ્સથી ભરે છે. જો કે, કેટલાક સેલેબ્સ પોતાની ટિકિટ પણ ખરીદે છે. પરંતુ તેનો અર્થ એ પણ નથી કે 62 લાખ રૂપિયા ખર્ચીને કોઈ પણ આ ઈવેન્ટનો ભાગ બની શકે છે.

► ગેસ્ટ લિસ્ટ કોણ અને કેવી રીતે બનાવે છે?

વોગ મેગેઝિનના એડિટર-ઇન-ચીફ, એના 1999થી મેટ ગાલા ઇવેન્ટના અધ્યક્ષ છે. કઈ સેલિબ્રિટી અને ક્યા ડિઝાઈનરને ઈવેન્ટમાં આમંત્રિત કરવાના છે તેનું ગેસ્ટ લિસ્ટ તે પોતે જ તૈયાર કરે છે. ગેસ્ટ લિસ્ટ બનાવતી વખતે, એવા સેલેબ્સને દૂર રાખવાનું સંપૂર્ણ ધ્યાન રાખવામાં આવે છે જેઓ વિવાદથી ઘેરાયેલા હોય છે. કોને સાથે બેસાડવા જોઈએ, કોને નહીં, અને કોને કયા ટેબલનો ભાગ ન બનાવવો જોઈએ, દરેક મહેમાનને કોણ ક્યાં બેસવાનું છે, તેની ખબર હોય છે. તમને જાણીને નવાઈ લાગશે કે મેટ ગાલામાં કપલ્સની સીટ એકસાથે રાખવામાં આવતી નથી.

Home Page- gujju news channel - Latest Gujarati News, તાજા ગુજરાતી સમાચાર, Latest Gujarati News LIVE, Online Gujarati News, Gujarati news headlines today, Gujarati News Channel - Cyber Crime News In Gujarati - ગુજરાતી સમાચાર - Bollywood Sexy Video - Entertainment news - Met Gala 2025 indian celebrities : મેટ ગાલા 2025 pics and video - hot sexy video photos